പ്രണയം നഷ്ടപ്പെടുമോ ?
ഇല്ല ...
പ്രണയങ്ങൾ നങ്ങൂരങ്ങൾ പോലെയാണ്
സമയത്തിന്റെ ഒഴുക്കിൽ
ജീവിതമെന്ന കപ്പലിന് താണ്ടേടുന്ന ദൂരം ഒരുപാട്
അപ്പോൾ തുടിക്കുന്ന ഹൃദയങ്ങൾ
പ്രണയമാകുന്ന നങ്ങൂരങ്ങളാൽ തളയ്ക്കപ്പെടുന്നു ..
ജീവിതം ക്ഷണനേരത്തേക്കു അവിടെ നിൽക്കുന്നു ..
കാമ മോഹ വിരഹ ഭാവങ്ങളുടെ ഓളങ്ങളിൽ ചാഞ്ചാടി അതങ്ങനെ നിൽക്കുന്നു
നങ്ങൂരം ഇളകുമ്പോൾ കപ്പൽ വീണ്ടും തിരമാലകളിലേക്കു .....
ഇനിയും എത്രയോ സ്ഥലങ്ങളിൽ നിൽക്കേണ്ടതുണ്ട് ...
പ്രണയം നഷ്ടപ്പെടുമോ ?
ഇല്ല ...
ദീപ്തി ഉണ്ണി
അറിയില്ലായിരുന്നു അവൻ എത്രത്തോളും എന്നിലുണ്ടെന്നു..
അറിയുന്തോറും ഞാൻ മൗനത്തിലാകുന്നു ..
വാക്കുകളിൽ പറയുവാൻ കഴിയുമായിരുന്നോ എനിക്ക് ...
അവൻ എന്റേതൊരിക്കലും ആയിരുന്നില്ലെന്ന് അറിയില്ലായിരുന്നോ എനിക്ക് ?
ദീപ്തി ഉണ്ണി
ബന്ധങ്ങളെ നീ കരുതുന്നതുപോലെ എനിക്കാകുമോ എന്നും അറിയില്ല...
കൂട്ടുകാരി നിനക്ക് പകരം വെക്കാൻ ആരുമില്ല ഈ ജീവിതത്തിൽ ...
മരണം വരെയും നീണ്ടുനിൽക്കുവാൻ ആശംസകൾ നമ്മുടെ സൗഹൃദത്തിനായി ...
ദീപ്തി ഉണ്ണി
30/7/2022
ത്യാഗം അതിന്റെ മറുവാക്ക് ,
നിത്യതയിലും ഒപ്പം ഉണ്ടാകുന്ന ഉറ്റ തത്വം ...
ഹൃദയത്തിന്റെ ഏതൊരു ഭാഷയിലും അതിനു ഒരേ അർഥം ...
ജീവിതമെന്ന മഹാ കടലിന്റെ കൊടുങ്കാറ്റിലും അത് നോവയുടെ പേടകം പോലെ ...
മനസ്സെന്ന കൊടുങ്കാട്ടിലും ഒരേ ഗന്ധമുള്ള കാട്ടുപൂവ് ....
അതിന്റെ പേരിൽ കൂട്ടി ചേർത്ത നമ്മുടെ ഹൃദയങ്ങൾ ...
അതെ ഭാഷയിൽ നേരുന്നു...
പിറന്നാളാശംസകൾ ....
Deepthi Unni
15/7/2022
